പിന്നെയും തീർന്നുപോയ്‌ വർഷമൊന്ന്!,കാലം
നിർത്താത്ത പാച്ചിലിൽ തന്നെയിന്ന്!
നിർത്താത്ത പാച്ചിലിൽ തന്നെയിന്ന്!
മഞ്ഞിൻതലോടലായ് വന്നതാണ്, ആ
ഒന്നാം ജനുവരിമാസമിങ്ങ്!
ഒന്നാം ജനുവരിമാസമിങ്ങ്!
രണ്ടാമതെത്തിയെൻ ഫെബ്രുവരി, അന്നും
നൽകിയെൻ പ്രേമസ്‌മൃതിയെനിക്ക്!
നൽകിയെൻ പ്രേമസ്‌മൃതിയെനിക്ക്!
പിന്നെ പരീക്ഷപ്പനിയുമായി,
വന്നതോ മൂന്നാമൻ മാർച്ചുമാസം!
വന്നതോ മൂന്നാമൻ മാർച്ചുമാസം!
ദോഷം പറഞ്ഞിടാൻ വയ്യ കേട്ടോ, വേനൽ
മൂർച്ചകൂട്ടി നൽകി രണ്ടുമാസം.
മൂർച്ചകൂട്ടി നൽകി രണ്ടുമാസം.
പൊള്ളും വിഷുക്കാലമുണ്ടോർമ്മയിൽ, പിഞ്ചു-
വെള്ളരിക്കില്ലായിരുന്നു വെള്ളം
വെള്ളരിക്കില്ലായിരുന്നു വെള്ളം
കണ്ണിനെന്നാൽ കുളിരേകിടാനായ്, കണി-
ക്കൊന്നയാൾ ചാർത്തിയിരുന്നു പണ്ടം.
ക്കൊന്നയാൾ ചാർത്തിയിരുന്നു പണ്ടം.
പിന്നാലെ വന്നു പരാതി തീർക്കാ,നെങ്ങും
നിർത്താതെ ജൂണ്മാരിയാർത്തു പെയ്തു.
നിർത്താതെ ജൂണ്മാരിയാർത്തു പെയ്തു.
കിട്ടിയില്ല ഒരുപൊട്ടുപോലും, സൂര്യ-
വെട്ടത്തെ കാർമേഘം കൊണ്ടുപോയി.
വെട്ടത്തെ കാർമേഘം കൊണ്ടുപോയി.
പണ്ട്‌ കഥപോലെ ചൊല്ലികേട്ട, വെള്ള-
പ്പൊക്കത്തെ കണ്ടു കണ്ണീരുവാർത്തു.
പ്പൊക്കത്തെ കണ്ടു കണ്ണീരുവാർത്തു.
പ്രളയക്കെടുതി, വറുതിയെല്ലാം, ഉച്ച-
നീചത്വമില്ലാതെ വീതം പകർന്നു.
നീചത്വമില്ലാതെ വീതം പകർന്നു.
ബംഗ്ലാവിൽ വാണിരുന്നോരുപോലും, അന്ന്
സഞ്ചാര,മണ്ടാവിലായിരുന്നു
സഞ്ചാര,മണ്ടാവിലായിരുന്നു
ഏഴകളെന്നെന്നു,മേഴകളായ്, പെയ്തു-
തോരാത്ത മാരിയെ പ്രാകിനിന്നു.
തോരാത്ത മാരിയെ പ്രാകിനിന്നു.
ഈ രണ്ടുകൂട്ടത്തിലുംപ്പെടാത്തോർ, ഗതി-
കെട്ടവർ ആത്മഹൂതിയ്ക്കൊരുങ്ങി.
കെട്ടവർ ആത്മഹൂതിയ്ക്കൊരുങ്ങി.
സ്വാതന്ത്ര്യമോതുമാഗസ്റ്റിലാണാ
ആണ്ടിലെ ഓണത്തിന്റെ വരവ്!
ആണ്ടിലെ ഓണത്തിന്റെ വരവ്!
ആകെവലഞ്ഞൊരു നാട്ടിലാണേൽ, തിരു-
വോണത്തിനായിരുന്നു വിലക്ക്!
വോണത്തിനായിരുന്നു വിലക്ക്!
പൂക്കളമില്ല; വീട്ടുമ്മറത്ത്, നല്ല
തേച്ചുമിനുക്കൽ തകൃതിയായി!
തേച്ചുമിനുക്കൽ തകൃതിയായി!
പായസം പോകട്ടെ! ചോറിനായി, റേഷൻ-
കാർഡിന്നരിപോലുമോർമ്മയായി!
കാർഡിന്നരിപോലുമോർമ്മയായി!
എങ്കിലും വന്നൊരാവെള്ളമന്ന്, നൽകി-
യെല്ലാ ജനങ്ങൾക്കും നല്ല പാഠം!
യെല്ലാ ജനങ്ങൾക്കും നല്ല പാഠം!
ഒക്ടോബറെത്തി,യെൻ ജന്മനാളിൻ,നറു-
മാധുര്യമേന്തും, കൈക്കുമ്പിളോടെ.
മാധുര്യമേന്തും, കൈക്കുമ്പിളോടെ.
പിന്നത്തെ മാസത്തിൽ വന്നു വിധി, നീതി-
പീഠത്തിനോട് ചിലർ പിണങ്ങി.
പീഠത്തിനോട് ചിലർ പിണങ്ങി.
രാഷ്ട്രീയസാമൂഹ്യവാർത്തയാലെ, നിത്യം
ചാകരക്കോളുണ്ടു മാധ്യമങ്ങൾ
ചാകരക്കോളുണ്ടു മാധ്യമങ്ങൾ
തമ്മിലടിക്കുവാൻ ഭക്തിയെന്നോ, ലിംഗ-
ഭേദമെന്നോ, ഇല്ല ജാതിയെന്നും!
ഭേദമെന്നോ, ഇല്ല ജാതിയെന്നും!
യുദ്ധമാണെങ്ങുമെന്നുള്ളപോലെ, ജനം
സംതൃപ്‌തരാകാതെ പാച്ചിലായി!
സംതൃപ്‌തരാകാതെ പാച്ചിലായി!
ദീപങ്ങളും മതിൽക്കെട്ടുമായി, നാട്ടിൽ
മത്സരങ്ങൾക്കില്ല പഞ്ഞമെങ്ങും!
മത്സരങ്ങൾക്കില്ല പഞ്ഞമെങ്ങും!
മഞ്ഞുകുറഞ്ഞെന്നാലാതിരയ്ക്ക്, മടി-
തെല്ലുമുണ്ടായില്ല നോമ്പുനോൽക്കാൻ
തെല്ലുമുണ്ടായില്ല നോമ്പുനോൽക്കാൻ
ഉണ്ണിമിശിഹ തൻ പുണ്യനാളാം, ഈ-
യാണ്ടിലെ ക്രിസ്തുമസ്സും കഴിഞ്ഞു.
യാണ്ടിലെ ക്രിസ്തുമസ്സും കഴിഞ്ഞു.
സന്തോഷസങ്കടസമ്മിശ്രമായ്, ഈ-
യാണ്ടിതാ യാത്രയാകുന്നു രാവിൽ
യാണ്ടിതാ യാത്രയാകുന്നു രാവിൽ
നമ്മുക്കിന്നാളുകളിൽ ലഭിച്ച, നല്ല
പാഠങ്ങൾ വച്ചിടേണം സ്മൃതിയിൽ
പാഠങ്ങൾ വച്ചിടേണം സ്മൃതിയിൽ
പോയതിലും നല്ലൊരാണ്ടിനായി, നിങ്ങ-
ളേവർക്കുമെന്നുടെയാശംസകൾ!
ളേവർക്കുമെന്നുടെയാശംസകൾ!
നീലവാനും, സൂര്യസുസ്മേരവും താല-
മേന്തിടട്ടെ പുത്ത,നാണ്ടിനായി!
മേന്തിടട്ടെ പുത്ത,നാണ്ടിനായി!
സങ്കടമൊക്കെയൊടുങ്ങി,യാനന്ദത്തിൻ
പാലാഴിത്തീരങ്ങൾ കണ്ടിടട്ടെ!
പാലാഴിത്തീരങ്ങൾ കണ്ടിടട്ടെ!
സ്വപ്നങ്ങൾ പൂവണിയട്ടെ, പ്രതീക്ഷ തൻ-
തൈക്കുളിർത്തെന്നൽ തഴുകിടട്ടെ!
തൈക്കുളിർത്തെന്നൽ തഴുകിടട്ടെ!
കാരുണ്യസ്നേഹകടാക്ഷങ്ങൾ, നിർലോപ-
മാശ്രിതർക്കാശ്വാസമായിടട്ടെ!
മാശ്രിതർക്കാശ്വാസമായിടട്ടെ!
സ്നേഹത്താൽ, സൗഹൃദബന്ധങ്ങളാ,ലെങ്ങും
ശാന്തിഗീതങ്ങൾ മുഴങ്ങിടട്ടെ!
ശാന്തിഗീതങ്ങൾ മുഴങ്ങിടട്ടെ!
=======================================
Posted on Facebook
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ