വ്യാഴാഴ്‌ച

11) ശൈശവം










കേള്‍ക്കുന്നു കുഞ്ഞി കാല്‍ത്തളകള്‍
നെടുമ്പുര തിണ്ണയില്‍ കോറും സ്വരം

തൂവി പോയ പാല്‍ കിണ്ണം മറന്ന
മ്മ
വന്നെത്തി നോക്കവേ

കുഞ്ഞി പുല്‍പ്പായ തുമ്പിന്റെ അറ്റം
കാരുന്നു കീരി പല്ലുകള്‍

പൂവിരല്‍ തുമ്പിന്നറ്റം ഊന്നി കൊ-
ണ്ടോമന നീന്തി നീങ്ങുന്നു

തീര്‍ക്കുന്നു കളം ഉണ്ണി കയ്യുകള്‍
ചുരുള്‍ മുടി ചേരുമെണ്ണയാല്‍

എന്തിനോ തേടും ആ മിഴികള്‍
കൊച്ചോല പന്തോ കിലുക്കമോ

കൈകളാട്ടുന്ന പാവയോ
മുത്തശ്ശി തന്‍ താക്കോല്‍ കൂട്ടമോ

ഒന്നു പിന്നെ മലര്‍ന്ന് പുഞ്ചിരി -
തൂകി നോക്കിയാ പങ്കയെ

ആരും  വന്നില്ല ചാരെയെന്നോര്‍ത്തോ
വിതുമ്പിയോമല്‍ ചെഞ്ചുണ്ടുകള്‍

മുത്തശ്ശി വന്നെടുത്തു പൈതലെ
കാട്ടി കുഞ്ഞു കിളികളെ

ആറ്റിരമ്പിലെ പൊന്‍മയും
വീട്ടു മുറ്റത്തെ കുളക്കോഴിയും

തെച്ചി പൂങ്കുലക്കെട്ടില്‍ പാറുന്ന
സപ്ത വര്‍ണ്ണ പൂമ്പാറ്റയും

ഒന്നിനോടും ഇണങ്ങിടാതുണ്ണി
കണ്ണുനീര്‍ വാര്‍ക്കും വേളയില്‍

ഓടി നിന്‍ ചാരെ എത്തിയോ, 
അമ്മ 
പുല്കിയുമ്മകള്‍ നല്‍കിയോ

ആ നെഞ്ചിന്‍ താളം കേട്ടിമ രണ്ടും
പൂട്ടി നീ നിദ്ര പൂകവേ

സ്വപ്നത്തില്‍ നിന്‍ പുഞ്ചിരി  കാണാനാ-
യണഞ്ഞോ പൂമ്പാറ്റകള്‍ 

വീണ്ടും മാടി വിളിക്കുന്നു
പോയ ശൈശവത്തിന്നടരുകള്‍ ....
എന്റെ ശൈശവത്തിന്നടരുകള്‍ .

അമ്മ കൈകളിലേന്തി നല്കുന്ന
വെണ്ണ ചോറിന്‍ സമ്യദ്ധിയും

അച്ഛന്റെ തോളിലേറി ഉത്തരം
താങ്ങാന്‍ വെമ്പും കുസ്യതിയും

മേഘകീറുകള്‍ക്കുളളിലെ 
ചന്ദ്ര-
ത്തുണ്ടെടുക്കാനാവേശവും

ഒന്നുകൂടി എന്‍ ഉള്‍ക്കാമ്പില്‍ 
തുടിച്ചിടുന്നതറിഞ്ഞു ഞാന്‍ ....
തുടിച്ചിടുന്നതറിയുന്നു ഞാന്‍ .


അമ്പിളി ജി മേനോന്‍
ദുബായ്

13 അഭിപ്രായങ്ങൾ:

  1. വീണ്ടും മാടി വിളിക്കുന്നു
    പോയ ശൈശവത്തിന്നടരുകള്‍ ....
    എന്റെ ശൈശവത്തിന്നടരുകള്‍


    prasanthakeralam

    മറുപടിഇല്ലാതാക്കൂ
  2. "തൂവി പോയ പാല്‍ കിണ്ണം മറന്നു
    അമ്മ വന്നെത്തി നോക്കവേ

    കുഞ്ഞി പുല്‍പ്പായ തുമ്പിന്റെ അറ്റം
    കാരുന്നു കീരി പല്ലുകള്‍"

    കുഞ്ഞു കുസൃതിയെ ഇതിനേക്കാള്‍ മരോഹരമായി എങ്ങിനെ വര്‍ണിക്കും. വരികള്‍ മനോഹരം. ആശംസകള്‍

    മറുപടിഇല്ലാതാക്കൂ
  3. ജീവിതത്തിലെ ഏറ്റവും സുന്ദരമുഹൂര്ത്തമായ ശൈശവത്തെ ഗ്രിഹാതുരത്വതോടെ മനോഹരമായി അവതരിപ്പിച്ചിരിക്കുന്നു, ആശംസകള്‍.

    മറുപടിഇല്ലാതാക്കൂ
  4. "അമ്മ കൈകളിലേന്തി നല്കുന്ന
    വെണ്ണ ചോറിന്‍ സമ്യദ്ധിയും

    അച്ഛന്റെ തോളിലേറി ഉത്തരം
    താങ്ങാന്‍ വെമ്പും കുസ്യതിയും"

    nice lines ആശംസകള്‍.

    മറുപടിഇല്ലാതാക്കൂ
  5. നന്നായി എഴുതിയിട്ടുണ്ട്.

    ശൈശവം, ബാല്യം, കൌമാരം... ഇതെല്ലാം ഒരു നെടുവീര്‍പ്പോടെയല്ലേ ഏവര്‍ക്കും ഓര്‍ത്തെടുക്കാനാകൂ.

    മറുപടിഇല്ലാതാക്കൂ
  6. രചയിതാവ് ഈ അഭിപ്രായം നീക്കംചെയ്തു.

    മറുപടിഇല്ലാതാക്കൂ
  7. ആധുനികതയുടെ മലവെള്ളപ്പാച്ചിലിൽ മുൻകാലങ്ങളിൽ കവിതകൾക്കുപയോഗിച്ചിരുന്ന ശിൽപ്പമാതൃകകൾ അന്യംനിന്നു പോയിട്ടില്ല എന്ന് അറിയിക്കുന്ന കവിത.

    മറുപടിഇല്ലാതാക്കൂ
  8. ശൈശവം സ്പന്ദിക്കുന്ന അക്ഷരപ്പകര്ച്ചകള്‍!

    മറുപടിഇല്ലാതാക്കൂ
  9. ശൈശവം സ്പന്ദിക്കുന്ന അക്ഷരപ്പകര്ച്ചകള്‍

    മറുപടിഇല്ലാതാക്കൂ